ویب ڈیسک
وینزویلا کی صورتحال پر اقوام متحدہ کی سلامتی کونسل کا ہنگامی اجلاس ہوا، جس میں قائم مقام پاکستانی مندوب عثمان جدون نے کہا کہ یکطرفہ فوجی کارروائیاں عالمی امن کے لیے خطرہ ہیں۔
پاکستان نے وینزویلا میں حالیہ پیش رفت پر گہری تشویش کا اظہار کیا، پاکستانی مندوب نے کہا کہ طاقت کے استعمال کے بجائے سیاسی اختلافات کا پائیدار حل مکالمہ اور سفارتکاری ہے۔
کیریبین خطے میں کشیدگی علاقائی اورعالمی امن کے لیے سنگین خطرہ ہے، اقوام متحدہ کا منشور علاقائی سالمیت کا احترام، عدم مداخلت کا پابند بناتا ہے۔
انہوں نے کہا کہ یکطرفہ فوجی کارروائیاں طویل المدت عدم استحکام کا باعث بن سکتی ہیں، موجودہ صورتحال میں آگے بڑھنے کا راستہ سفارت کاری اور سیاسی مکالمہ ہے۔
وینزویلا کیخلاف امریکی فوجی کارروائی عالمی قوانین کی خلاف ورزی ہے، یو این سیکرٹری جنرل
پاکستانی مندوب نے کہا کہ فریقین کشیدگی میں کمی، تحمل کا مظاہرہ، اشتعال انگیز اقدام سے گریزکریں، وینزویلا میں امن، استحکام، عوامی بہبود تمام عالمی کوششوں کا مقصد ہونا چاہیے۔
