حکومتِ سندھ نے گاڑیوں کی رجسٹریشن کے نظام میں اہم اصلاحات کرتے ہوئے نمبر پلیٹس کو اب گاڑی کے بجائے مالک کے قومی شناختی کارڈ (CNIC) سے منسلک کر دیا ہے۔ اس فیصلے کی توثیق صوبائی وزیر ایکسائز، ٹیکسیشن و نارکوٹکس کنٹرول سندھ نے کر دی ہے۔
اہم نکات:
• اب نمبر پلیٹ مالک کی ملکیت ہوگی اور گاڑی فروخت ہونے کی صورت میں بھی مالک کے پاس برقرار رہے گی۔
• مالک اپنی پرانی نمبر پلیٹ نئی خریدی گئی گاڑی پر منتقل کر سکتا ہے۔
• اگر کسی شخص کے پاس ایک سے زیادہ گاڑیاں ہوں تو ہر گاڑی کے لیے الگ نمبر پلیٹ جاری کی جائے گی۔
• گاڑی کی خرید و فروخت کے وقت نمبر پلیٹ برقرار رکھنے یا تبدیل کرنے کا فیصلہ خریدار اور فروخت کنندہ کی باہمی رضامندی سے ہوگا۔
• نمبر پلیٹ کی منتقلی پر کوئی اضافی فیس وصول نہیں کی جائے گی۔
• مالک ایک سال تک غیر فعال نمبر پلیٹ اپنے پاس محفوظ رکھ سکتا ہے، بشرطیکہ متعلقہ رجسٹرنگ اتھارٹی کی ہدایات پر عمل کیا جائے۔۔
